Қазақстан Республикасының Президенті Қасым-Жомарт Тоқаевтың Қазақстан халқына үндеуі.

Бүгін еліміздің Президенті Қ.К. Тоқаев Қазақстанның алдағы даму бағыттарын айқындайтын маңызды Жолдауын жариялады. Әсіресе, денсаулық сақтау саласында шамамен 70 нысан, ал білім беру, спорт және мәдениет салаларында 50-ге жуық нысан салуды көздейтін «Халықтық құрылыс» жобасының іске қосылуы ерекше мәнге ие. Бұл бастама әлеуметтік инфрақұрылымды дамытуға және халықтың өмір сүру сапасын арттыруға зор үлес қосары сөзсіз.

Сонымен қатар, жасанды интеллект негізінде цифрлық экономиканы дамыту және цифрлық жұмыспен қамтуға қолайлы құқықтық жағдай жасау міндеттері де ерекше назар аудартады. Бұл еліміздің заманауи технологияларды тиімді пайдаланып, уақыт талабына сай дамуға және жаңа мүмкіндіктерге жол ашуға бағытталғанын көрсетеді.